Ava Max

D’ Ava Max (bìrgerlig d’ Amanda Ava Koci; * àls Amanda Koçi àm 16. Hornung 1994 z’ Milwaukee, Wisconsin) ìsch a àmerikànischa Popsangera un Liadermàchera. Ànna 2016 hàt sa a Vertrààg bii Atlantic Records unterzaichent. Bii dam Label ìsch ìm Àuigscht 2018 ìhr äärscht ärfolgriich Liad Sweet but Psycho ärschìena. S’ Liad ìsch Nummer-Ains-Hit ìn 22 Lander gsìì, drunter ìm Groossbritànnia, Diitschlànd, Eeschtriich, dr Schwiiz, Schweeda un Näijseelànd. Ìm März 2020 ìsch ìhr Liad Kings & Queens üüssagànga, wo-n-uff Plàtz 13 vum US-Billboard Hot 100 gsìì-n-ìsch. Doo druff ìsch ìm Septamber 2020 ìhr äärscht Schtüdio-Àlbum Heaven & Hell ärschìena, wo-n-uff Plàtz zwai ìm Grossbritànnia un uff Plàtz 27 ìn da USA ànakumma-n-ìsch. Ìm Nowamber 2020 ìsch s’ Liad My Head & My Heart üssagànga, wo-n-uff Plàtz 18 ìm Groossbritànnia un uff Plàtz 45 ìm Àmerikà ànakumma-n-ìsch. Ìn dr Max ìhr zwai Schtüdio-Àlbum Diamonds & Dancefloors soll ìm Oktoower 2022 ärschiina.

Fìr ìhr Wark hàt d’ Max mehrera-n-Üüsszaichnunga bikumma, drunter ain MTV Europe Music Award so wia-n-a MTV Video Play Award ìm Joohr 2019, un ain Swiss Music Award ànna 2021.